گونوموز آیدین

دده کاتیبین "گونوموزآیدین" کیتابی

آذربایجانین شعر دده سینین ( دده کاتیبین ) ، دگرلی و قوتلی و عیرفانی سؤزلری ، بیر یئنی قالیبده"  گونوموز آیدین " کیتابی آدیلا چاپا یئتیرلندی.

Azərbaycanın şer Dədəsının(Dədə Katibin) dəyərlı və quvvətlı və irfanı sözlərı,bir yeni Albomda , " Günümüz Adin" kitabı adıyla çap olundu 

سخنان پرگهر و پرنور و عرفانی پیر آذربایجان (دده کاتیب)در قالب کتابی دیگر(سومین کتاب) و با نام  " گونوموز آیدین "به چاپ رسید.

کیتابین آدی:  گونوموز آیدین

یازان:  حاج عبدرالرحمان طیار(دده کاتب)

حاضرلایان: فارص طیار

تایپ ائدن:  منوچهر طیار

علمی رداکتور: بهرام اسدی

صحیفه ساییسی:  335

تیراژ: 3000

ناشر:  یاز نشر

Müqəddəmədən bir qisa bölüm

قسمت کوتاهی از مقدمه کتاب

هر بیر ایشه گوجو یئتن و هئچ بیر شیئه بنزه مه ین ، رحمی غضبیندن چوخ اولان آلاهین آدیله.

سونرا بوتون کایناتین ذره لرینین حساب و ساییندان داها آرتیق سلاملار و صلاواتلار عالملره رحمت اوچون گؤندریلن اسلام پیغمبری حضرت محمد مصفانین جمال و کمالینه و اولادینه و اصحابینه و اتباعینه و احبابینه اولسون.

اوندان سونرا بوتون دونیا مسلامانلارینین آراسیندا ظاهر و باطن دوغرو بیر وحدت و بیرلیک یارادان آللاهدان دیله ییریک کی بوتون دونیا مسلامانلاری پیغمبرین شریف عصرینده اولدوغو کیمی مسلمانلارین بوتونو بیر-بیریله دوغرو قارداش اولسونلار.

اما دگرلی و حؤرمتلی اوخوجولاریمیز،بیز بو (گونوموز آیدین)آدلی کتابیمیزی چاپا چاتدیرماق ایسته ییریک.آللاهدان فرصت و نصرت و یاردیم دیله ییریک ، تکراراً بوتون اوخوجولارا و هامی ییزا هر زاماندا و هر مکاندا و هر مقامدا و هر پئشه ده یار اولسون.

حؤرمتلی اوخوجولار، بیز بوندان اول چاپا چاتدیردیغیمیز "اینجی لی صدف" آدلی کتابیمیزدا شعر سؤیله مکدن و شاعر لیکدن بیر حدودا قدر سؤز آچمیشیق.بورادا دا بیر قسمت سؤزلری دئمگی و سؤیله مگی لازم گؤروروک کی شعر نه دیر؟ و شاعیر کیم دیر؟ و شاعیرین شعر سؤیله مکدن هدف و آماجی نه دیر؟ و یا خود شعر و شاعیرلیک رابطه سینده آللاهین و عظمتلی اسلام پیغمبرین نظر مبارکی نه دیر؟ و یا خود اسلام  دینینین قورلوشوندان بو گونه قدر اسلام عالیملرینین،شعر و شاعیرلیک رابطه سینده باخیملاری نه اولوب و ایندی نه دیر؟

حؤرمتلی اوخوجولار، بیر آز دقت لازیمدیر.قرآن کریمین "شعرا" سوره سینین سون آیتلرینده یارادان آللاه شاعرلردن و شعر سؤیله مکدن ایلک ده بیر نحو ایله انتقاد ائدیر و اونلاری چیرکینله دیر(پیسله ییر).اما عین آیتین آردیجا استثنا گتیره رک عرفانی دوغرو شاعرلری مدح ائدیر.بورادان آنلاشیلیر کی او شاعیرلری کی قورآنیمیز اونلاری پیسله ییر ایچسیز و محتواسیز و خرافی سؤزلری شعر قالبینه سالمیش اونلاری بو گون عقل عالمی ده رد ائدیر.اما اونون قارشیسیندا دوغرو و محتوالی شعر سؤیله ین شاعرلری مدح ائدیر و گئنه ده قرآن کریمده "یاسین" سوره سینین دوخسان بیرینجی آیتینده یارادان آللاه  مشرکلرین گئدیسلرینه خطاب بئله بویورورکی: بیز اونا یعنی پیغمبر اسلام حضرتلرینه شعر و شاعرلیک اؤیرتمه میشیک و شعر و شاعرلیک او حضرتین شأنینده دگیل مگر آللاه ذکری و آچیق آیدین بیر قورآن نازل ائتمیشیق.

حؤرمتلی اوخوجولار، بورادا بیر مطلبه آرتیق دقت ائتمه میز لازیمدیر. آللاه تعالانین بویوردوغو بو معنایا دگیل کی شعر سؤیله مکدن انتقاد اولسون بلکه شعر شاعیرلیگین مقامی پایه سی آللاه کلامینا همان قورآن اولسون تای اولا بیلمز و اوندان آشاغیدیر.اما حضرت پیغمبرین شریف حدیثلرین بیرینده بئله بویورموش کی بیر مؤمنین قلبی یا جوفی چرک و کیر ایله دولو اولسون اما شعر ایله دولو اولماسین.درگرلی اوخوجولار، بو حدیثین آنلامیندا و معناسیندا اشاره دیر خرافی شاعرلرین شعیرلرینه.

اما باشقا بیر حدیث نبوی ده او حضرت بویورموش حقیقتاً و دوغوردان شعر و شعر سؤیله مکده گؤزل بیر حکمتلر وار. و ها بئله حضرت پیغمبر اسلامین حال و حیاتیندا اصحاب کرامدان بیر نئچه دانه شاعرلری واردی کی زامان زامان او حضرتین حضور شریفینده شعر اوخویاردیلار کی صحابه کرامدان بیریسی "حسان ابن ثابت " کی پیغمبر ایسلامین ان اوستون آدلی شاعریدی کی پیغمبریمیز حسانین شعرلرینین رابطه سینده حدیث شریف ضمنینده بئله بویورموش کی حسانین شعرلری کفار و مشرکلر اوزه رینه و علیهینه کسگین قیلینجلاردان داها کسگیندیر.

دیرلی و حورمتلی اوخوجولار، بورادا آرتیق دقت ائتمک لازیمدیر.یوخاریدا یازدیغیمیز آیه و حدیث شریفلرینین ظاهرلری بیر-بیریله متضاد اولور اما معنی و مفهوم و محتوالرینه درین دقت اولونرسا هئچ بیر تضاد آرادا سوخدور بلکه بوتونون مفهوم و معناسی و محتواسی آنجاق بیردیر.

دگرلی و حؤمتلی اوخوجولار بلکی واقعی و دوغرو شاعیر لر هر زاماندا اساس و دوغرو مطلب لری انسانلیق و اسلامیت شأنینه یارشیقلی بیر صورتده ادا ائتمیشلر.

... 

 اوغلویام

یارادانا شوکر ائیلرم

من بیر مسلمان اوغلویام

فکر ائتمه میش دانیشمارام

بیر دوغرو انسان اوغلویام

 

الهام آلمیشام قورآندان

عبرت آلمیشام  زاماندان

قورخمام توزدان دوماندان

دالقالی توفان اوغلویام

من بیر تورکم بوزقوردلویام

اوغوز،دده قورقوردلویام

بیر قیزقین آتش اودلویام

بیر غیرتلی قان اوغلویام

دده کاتب ائلیم تورکدور

دوغرو دوزگون یولوم تورکدور

خوش دانیشان دیلیم تورکدور

من آذربایجان اوغلویام

*****

Şeirlerinin ardını oxumaq üçün  BURAYA baxın

برای خواندن بقیه شعرها، ادامه ی مطلب در پایین را کلیک کنید