خبر در گذشت حاج عبدرالرحمان طیار«دده کاتیب» علاوه در خبر گذاریها و روزنامه ها و مجلات آذربایجان جنوبی(فردای ما،ياشاييش،وحدت و ...) در آذربایجان شمالی(باکو) نیز منعکس شد.

در باکو ۲ روزنامه ی ملی این خبر تلخ را به اطلاع مردم رسانده اند.

در زير نيز مقاله ي دو هفته نامه ي وحدت در آذربايجان غربي كه يكي از صفحات خود را به «دده کاتیب» تحت عنوان هر زامان یاشایاجاقدیر،دده کاتیب! اختصاص داده است مي بينيم.

دوهفته نامه دعوت ، در سال 4.شماره 80 ودر تاریخ دوشنبه 19 اسفند 1387

هر زامان یاشيیاجاقدیر

دده کاتیب!

« یارادانین قدرتینه چوخ شوکور                                 نشريه نين كولتورل سرويسي

ایستییب یارادیب اینسان اوغلویام

یوردومو سئورم سویومو دانمام

آذربایجانلیام من موسلمان اوغلویام »

1304-جو گونش ایلینده آذربایجانین انزل ماحالینین یئر آلان قولونجو کندینده بیر اکینچی عائیله سینده دونیایا گؤز آچان حاج عبدرالرحمان طیار«دده کاتیب» آذربایجان تورکجه سینده چوخ ساییدا شعیرلر و اثرلرین یارادانی اولموشدور.

مکتب خانادا عالیم لر یانیندا تحصیل آلان شاعیریمیز، اؤز دوغما توپراغینا و وطنینه اولان عشقی گئت-گئده چوخالمیش و آذربایجان آشیق ادبیاتینی دریندن منیمسه میشدیر.بو اساسدا آز زامان ایچریسینده اونون شعیرلری بوتون غربی آذربایجان آشیقلاری نین ازبری اولموشدور.

چالیشقانلیغی و هر ساحده ماراقلی اولدوغونا گؤره اؤز آنا دیلیندن(آذربایجان تورکجه سی) باشقا عرب،فارس،کورد و ایستانبول تورکجه سی نیده تسلط تاپمیشدیر.

دده کاتیبین دینی اینانجی،یگانه تانریا عشقی و علاقه سی بیر یاندان،دوغما توپراغینا،اصل-کؤکونه باغلیلیغی بیر یاندان اونو یالنیز بیر شاعیر کیمی دئییل بلکه عین زاماندا بیر عالیم،عاریف و روحانی کیمی توپلومو تانیتدیر میشدیر.

مقدس قرآن کیتابی ایله دریندن تانیش اولان«دده کاتیب» هر مجلیس و توپلانتیدا اینسانلاری اؤز دینی مضمونلو اؤیودلر ایله بیرلییه،صفا و صمیمییته،دوستلوغا و ها بئله شرعی وظیفه لرین یئرینه گتیرمه یه هر زامان دعوت ائدیردی.

وطن پرورلیک ، سوی-کؤکه دایانماق و یابانجی مهاجیم دشمن لره قارشی اولماق شاعیرین اساس اؤزللیکریندن ساییلیردی.

اولسون کی اوندان سونرا گلن جاوان خالق شاعیرلریمیز او بؤیوک کیشی نین یولونا دوام وئرنلردن اولوب و اؤز وطنینه هر زامان باغلی قالسینلار نیه کی «قایادان قوپان داش ،دره نین ترکینه دوشر ،یوکسلمز»

بیزده«دعوت»نشریه سینین یازارلار بیرلییی نین عضولری کیمی«دده کاتیب»ین دونیایا دئیشمه سینی بوتون میللتیمیزه باش ساغلیغی وئریب و اونون حؤرمتلی عائیله سینه تانریدان جان ساغلیغی و باش اوجالیق دیله ییریک.

ایلک باهار آیلاری آذربایجانین

آچار باغلاریندا گوللری گؤزل

تاریخ لر یازیبدیر اصالتین

آذری تورکلرینین دیللری گؤزل